Las cookies nos permiten ofrecer nuestros servicios. Si sigues navegando, aceptas el uso que hacemos de las cookies. Más información
Quen é Tourline Express
Estás en:  Omitir vínculos de navegaciónInicio  /  Compañía  /  Quen somos
Historia | Cifras | Tecnoloxía Tourline Express


Historia


Tourline Express naceu en 1996 e desde entón o seu crecemento foi espectacular. Rapidamente ocupou un lugar no mercado pola súa calidade e eficacia na xestión de envíos. A apertura constante de delegacións, a rendibilidade contrastada destas e a obtención dunha cota de mercado cada vez maior fixeron de Tourline Express un modelo empresarial de referencia no sector. Desde xullo de 2005 forma parte do Grupo CTT, compañía postal portuguesa que conta entre as súas empresas con CTT ou a homóloga Tourline Express, CTT Expresso.

O carácter expansionista e innovador da compañía e o seu afán de superación mantivéronse constantes ao longo destes anos, estudando continuamente as necesidades dos nosos clientes e introducindo valores engadidos para os nosos servizos que nos permitan satisfacer todas as necesidades que poidan xurdir. Deste xeito, e baseándose na especialización do servizo, Tourline Express sempre se dirixe a novos mercados e á obtención, cada día, da confianza de novos clientes.

Grupo CTT

O sector do transporte urxente e da loxística en xeral sufriu múltiples cambios nos últimos anos, nos que se produciu unha gran concentración de empresas. Isto, unido á excelente marcha de Tourline Express, fixo que a compañía estivese no punto de mira dos intereses de grandes grupos loxísticos e postais europeos. Por iso, en xullo de 2005 a compañía postal pública de Portugal, CTT Correios, apostou polo ambicioso plan de expansión de Tourline Express, adquirindo o 100% da compañía española. Isto supuxo a posta en marcha do "Proxecto Ibérico", a integración do mercado español e portugués como un único mercado doméstico.

CTT é o maior operador de distribución e loxística en Portugal, cunha facturación anual de preto de 770 millóns de euros. Así mesmo, é un dos maiores grupos empresariais do país veciño e ten por misión o establecemento das mellores relacións físicas e electrónicas entre todos os seus clientes: cidadáns e empresas. Opera no sector da distribución postal de correos, os servizos de mensaxería urxente, a loxística, a produción e xestión documental, o mercado publicitario, o mercado financeiro e a área dos servizos electrónicos. Posúe unha rede loxística sen comparación canto a cobertura nacional, con preto de 800 oficinas, preto de 350 centros de distribución, e máis de 3.000 vehículos de repartición que lle dan cobertura a toda a poboación portuguesa. É á súa vez a empresa nacional que máis emprego ofrece, con preto de 14.000 traballadores.






Cifras


Fundada en 1996
En 1999 obtén a certificación AENOR
En xullo de 2005 a empresa pública postal portuguesa CTT Correios adquire o 100% de Tourline Express, iniciando o "Proxecto Ibérico", que culmina os plans de expansión da compañía.
En 2012 a política de calidade chega ao seu punto álxido, co 100% das oficinas certificadas e o 100% das plataformas loxísticas.
Dispón dunha rede de 335 delegacións.
Máis de 2.600 profesionais.
Máis de 1.320 vehículos.
24 plataformas loxísticas.
Unha rede de máis de 300 rutas.
Contamos coa confianza de perto de 41.000 clientes.



Tecnoloxía Tourline Express


Tourline Express traballa día a día para ofrecerlles aos seus clientes solucións tecnolóxicas e ferramentas que faciliten a xestión, control e identificación das súas expedicións.

  • Todos os nosos envíos viaxan cunha etiqueta de identificación cun código de barras que lles confire un carácter único. Ademais, esta etiqueta permite seguir en tempo real o percorrido de cada un dos vultos pola rede Tourline Express.
  • Grazas á aplicación TourOnTrack, o emisor e receptor poden facer o seguimento en liña do envío, ademais de saber a que hora exacta foi entregado e quen o recibiu.
  • A aplicación SGC permite a comunicación en tempo real entre as delegacións e os Servizos Centrais e entre os propios clientes coas delegacións.
  • Utilización de dispositivos móbiles (PDA) entre o persoal de repartición, capaces de monitorizar a información relativa a un envío e que aumenta a eficiencia na xestión.
  • Confirmación automática do estado do envío a través de correo electrónico e mensaxes de texto, tanto para o destinatario como para o remitente.
  • Solucións de integración de sistemas para facilitar as comunicacións entre os clientes e a súa delegación.
  • Visualización en liña dos xustificantes de entrega, tanto de Tourline Express coma do cliente.
  • Control das expedicións mediante cámaras de vídeo-vixilancia nas plataformas.
  • Sistemas de GPS de seguimento de envíos.
  • Os envíos transpórtanse en contedores especiais que aseguran a súa inviolabilidade.